شعر الشيخ زايد رحمه الله

شعر صاحب السمو الشيخ زايد بن سلطان آل نهيان
نور الفجر

هلا بنور الفجر زاح الظلامي
هلا به ألف ترحيبـه وحيـه
هلا به عد مزن في غمامـي
وما هبـت نسيـم المطلعيـه
أقدم لـه تحيـات وسلامـي
جواب يـوم بـادر بالتحيـه
فهيم ويفهم الـمعنى كلامـي
لبيب العـود لفتاتـه ذكيـه
مهاه إيتم إنسـي وانسجامـي
بدونه حالتـي حالـه شقيـه
وحبي له تسبب في غرامـي
أنا راضي ونفسي له هديـه
تملكني وملكنـي بالزمامـي
و انا سلمت له بنفس رضيه
فلا والله لي مثلـي يلامـي
و فعل الخير مايجزى بسيـه
رعاك الله يا ظبي العدامـي
أمير والغواني لـك رعيـه
جدير بكل حبي واحترامـي
و يكفيني متى ترضى عليـه

مشغوب
مشغـوب منـك ومشغلنـي
ياالسولعـي ياأريـش العيـن
ما حـد انـا غيـرك فتنـي
في الخود يا سيـد المزاييـن
نظـرات عينـك صوبنـي
بألحاظهن واصطبت في الحين
و آزمت من ما بـي أغنـي
بالحب لك يا لغالـي سنيـن
حزت الحسن من كـل فنـي
يا كامل في الوصف و الزين
غض غضيض صغير سنـي
تكبر و كل ما تكبـر اتزيـن
ماخلق فـي الغيـد الدمنـي
مثلك ولا قد خلق في العيـن
لـك يـادل كالليـل جـنـي
طايح على الأمتـان رظفيـن
و الجيـد باطيـاب يبـنـي
والصدر به رمـان و تيـن
والعـود مـن شافـه يظنـي
امن الخصر مقسـوم نصيـن

دنيـا محـلا وطـرها

دنيا محلا وطرهـافيها زهت الانـوار
كثر الخير وشجرهاو توفرت الاثمـار
يا ها السعد وغمرهامن والـي الاقـدار
عم البـر وبحرهـاو فاضت بها الانهار
تتوافـد القطـرهـاعالم مـن الـزوار
تتفسح في شجرهـاوورودها والازهار
فيها المها مكثرهـاوريومها والامهـار
يا سعد اللي نظرهـاوتحف بها الاسرار
نحمد لذي صورهـاوو هب لها الاخيار
و عظمها في قدرهابـيـاه واعتـبـار

الشهم والقرم له شان

آه يا من صوب وحانـي
صوب ما تتيبر اكسـوره
روف بي ياريم لوطانـي
لـك مسلـم ماليـه دوره
لي شخوصلك مالها ثانـي
وقدك المبروم وخصـوره
ونحر فيـه النهـد بانـي
فايق في وصفـه ونـوره
ولاعيان دعج الاوزانـي
حور ولها رموش مظفوره
والسهـم منهـا للعيانـي
بي يراها يوافي خطـوره
الشم والقـرم لـه شانـي
عند لي مثله ومـن دوره
لي عملهم في البلد بانـي
باحترام وجـد مشهـوره
لي مساعيهم بالاحسانـي
في العشاير مالها جـوره
بيـن إنسـان وانسانـي
كم زاحوم الكـدر ثـوره
الظفو يبقـى والاحسانـي
خالد لاهلـه وبسطـوره

مرحبا مليار بقبالك

مرحبـا مليـار بقبالـك *************** يا سفر داري و الاوطاني
يا سعادة من لفـى دارك *************** إلانالي بي الـوزا بانـي
برخص الغالي على شانك*************** لا تخلـي حاليـه حانـي
خذنيه بالروف و احسانك *************** و انصفينيه منك بوزاني
إسلبتني نظـرة اعيانـك *************** و حت نومي ذار ما جاني
هان ربي كل من هانـك *************** يا بصيري و مقلة اعياني
عز لي صورك باحسانك **************** فرد مالك واحـد ثانـي
بالجمال و منطق لسانـك**************** صورك من حور لجناني
يك والجيون بها صانـك **************** والمباسـم ورد والوانـي

حبك ملك قلبي
انا ما سعـدت بطيب وقتي ولا حسيت
إلا بوجـودك شفـت وقتـي ولـذاته
لك موقـع في داخـل القلب به حطيت
حبـك ملـك قلبـي تحكـم بنبضاته
لا شفت انا شرواك ولا اتصور ولا ريت
مثل الحيا تضفي على الآرض بهجاته
ربي عطـاك اخـلاق اتميزك واحظيت
حتى جميـل الخود تشهد لك اصواته
شروى القمـر فـوق الكواكب تعليت
كل شهـد في حكمة الخالق وقدراته
انت الجميـل المميـز لي بـه تعنيت
اللي أسرنـي بطيب اخـلاق عاداته
يا هايف الخصريـن يا منـور بالبيت
يا جيـد ريـم نافـل عـن مثيلاته
وعيـون حـور تحيي بهـا وتميـت
نظرتـك تشفي صويـب منك ويعاته
إرحم رحمـك الله لو ريتني تشافيت
قربـك يزيـح العـوق مني وليعاته
ارجوك واترجـاك تضفي علي بصيت
ويمنـاي له في لمس يمناك راحاته
لولا خيالـك في منامـي فلا غضيت
يا منـوة المقصود في غاية اوقاته
انته طبيب النفس وانـا لـك تعنيت
تعلم بمـا في القلب وتعرف خصاته

الامطار

يالسيد اثـره العيد عيدين
وثالـث اعيـاد الدر لمطار
والغيث عـود بعـد سنتين
واتباشروا به الناس والدار
مالت له اغصان البساتيـن
والزهـر يانـع والحياثار
وانشـم بنـات الرياحيـن
الوطير غني فوق الاشجار
حتى الغضي لي كامل الزين
راتع ويلعـب بين الازهار
خذ "م " الهايا جيد وعين
وم الليل ماخذ شعر واقمار
فايق على كـل المزاييـن
له في سويدا خاطري دار
حبه في قلبي عايش سنين
ما يختلف لو صار ما صار

ياطير

ياطيـر وضبتـك بتدريـب
ابغي اصاوع بـك هـدادي
لي طارن ((الربد)) المهاريب
لي ذايـرات مـن العـوادي
القفلهـن عسـاك ماتخيـب
واقصـد لقايدهـن عنـادي
خمه براسه خمـت الذيـب
وعليـك ماظنيـه بــادي
وخل الهبوب تروح وتييـب
ريش شعيع عقب المصـادي
واللي سبق طيره بلاطيـب
بيتـم فـي حزنـه ينـادي
عند اخويانـا والاصاحيـب
كلـن بخبـره بايـسـادي
وان ماضوى ودوله الجيـب
تزهاب والطبخـه عنـادي

ثانكس
روووح الزير ع المرور و الاطلاع ع موضوعي

[center] ]:

يسلموووووووو عالطرح

تسلمييييييييين ع المروور همس الجروووووووووح